Кеше қазақстандық балуан Азамат Дәулетбеков 3 дүркін Азия чемпионы атанды. Ол қатарынан үш жыл топ жарды, деп хабарлайды KAZ.NUR.KZ.
Балуан видеосын Instagram-дағы парақшасында жариялады.
"Құрметті, қазақ елі! Жеңісімді Құлсары, Ақтөбе, Орал, Қостанай өңірінде су тасқынынан зардап шеккен халқыма арнаймын. Еңсеміз түспесін! Еліміз аман, жұртымыз тыныш болсын", - деді видеода Азамат Дәулетбеков.
Айта кетейік, Азамат Дәулетбеков – 86 кг салмаққа дейін 2022, 2023, 2024 жылдары 3 мәрте құрлық бәсекесінде алтын алған қазақ балуаны.
