Чили тұрғындары қала көшелерінде ашық
майдан ұйымдастырды. Қару-жарақ ретінде кәдімгі қызанақ алынды.
Шараға қатысушылар бір-бірін піскен
қызанақтармен атқылап, күлкіге қарық болды. Ойынның
шарты бойынша алдымен қызанақты қолда езіп алу керек. Бұл бет-ауызды көгеруден
сақтау үшін қойылған талап.
Ұйымдастырушылар мұндай ұрыстар
адамдардың күйзелістерін кетіреді деп санайды. Шараға
40 тонна көкөніс кетті. Қызанақ өсірумен айналысатын шаруалар шіріген, не
жұмсарып қалған өнімдерін қуана-қуана таратып берді. Дәстүрге айналған шара
жыл сайын елге миллиондаған туристті тартып отыр.
Айгүл ӘДЕПБАЙ
