Балғаева Әсел Элисқызы

Балғаева Әсел Элисқызы
Бас директордың орынбасары

1975 жылы 25 сәуірде Алматы қаласында дүниеге келдім. 

2003 жылы Астанаға қоныс аудардым.

Бір қызығы, менде телеарнада жұмыс істеймін деген арман да, жоспар да болмаған.  

Барлығы кездейсоқ басталды. 1992 жылы мектеп бітірген соң, «мәдени іс-шараларды ұйымдастыру және басқару» мамандығы бойынша Т.Жүргенов атындағы театр және кино иститутына (қазіргі Т.Жүргенов атындағы Қазақ ұлттық өнер академиясы) оқуға түстім. Бұл 90 жылдары алғаш рет енгізілген, сәйкесінше жаңа мамандық болатын. Жоғарғы оқу орнының 2 курсында білім алған жүрген кезімде маған КТК арнасынан шығатын «Факты, новости, комментарии» деп аталатын сараптамалық бағдарламасына тілші ретінде жұмыс жасауға ұсыныс түсті. Өзіңді байқап, сынап көруге бұл керемет мүмкіндік еді. Оқуыма да еш кедергі келтірген жоқ.Телеарнадағы бұл жоба жабылған соң, азды-көпті тәжірбие жинаған мен КТК-ның кешкі жаңалықтарында тілшілікті жалғастырдым. Ол кезде ұжымды арнаның негізін қалаушы И.Э.Фидель басқаратын.

1996 жылы жоғарғы оқу орнын тәмәмдап жарты жылға «жолдама» бойынша Ақмолада жұмыс істедім.
Алматыға келген соң, қайтадан телеарнаға оралдым. Жобалар ақпараттық, ойын-сауықтық, сараптамалық,яғни әртүрлі болатын.

Мен үшін ең қызықты әрі, үлкен тәжірбие болған Ирина Черноловскаямен сценарийіне бірлескен авторы және редакторы ретінде жұмыс жасаған «Хабар» арнасының «Бабье царство» ток-шоуы еді. 10 жылдан кейін Ғани Қасымовпен «Қазақстан» арнасында «Сіз бен біз» ток-шоуын бірге жүргізген кезде сол кездегі тәжірбиемнің көп көмегі тиді. Мен үшін алға талпыну,үнемі іздену маңызды.

Өмірде әр нәрсені басынан бастаудың да өзіндік қызықтары болады. Мәселен мүлдем жаңа телеарна - 2000 жылы ашылған «Оңтүстік астана» арнасының жұмысы.

Бұдан соң Астана қаласына қоныс аударып, «Астана» телеарнасында жаңалықтар қызметінде шеф-редактор қызметін атқардым. «Хабар» телеарнасында тікелей эфирде сұхбат үлгісінде шығатын «Бетпе бет» бағдарламасында тілші, жүргізуші болдым. Мемлекеттік арнадан үйренгенім көп. Бұл әсіресе Астанада ақпарат саласының нағыз қайнаған кезеңі болатын.

Уақыт өте жұмыс атқарудағы бағытым тілшіліктен, басқарушылыққа ауысты. Бұл «Қазақстан» телеарнасындағы жүрген кезім болатын. 2011 жылы басшы және ақпараттық тарату қызметі бойынша «Хабар» арнасына оралдым.

Қазір «Астана» телеарнасында Бас директордың телевизиялық өндіріс жөніндегі орынбасарымын.  

Түрлі бағыт бойынша жұмыс жасаудың қызығы сол, түрлі жолдарын іздейсіз және әрдайым қарбалас. Әрбір телеарнада жұмыс атқарған кезеңдерім мен үшін қайталанбас және ұмытылмас сәттер.

Бұл жылдар аралығында қаншама сюжеттер, фильмдер жасалды. Бір-біріне ұқсамайтын кейіпкерлердің ой-пікірі, сәтті кадрлар, қызықты монтаж үйлесімі, режиссерлік шешім - мұның барлығы менің жадымда жаттаулы.

Үнемі жанымда жақсы жандардың жүруі де еңбек жолында жолымның болуы деп білемін. 

 

Арна мақтаныштары
Жаманқұлова Айзада Жексенбекқызы
«Астана» телеарнасының ат...
Жайна Сламбек
Жүргізуші-журналист ...
Еркін Карин
Тілші...
Мөлдір Әбдірайым
Жүргізуші...
Әйгерім Сейфолла
Жүргізуші...