Елордадағы №85 мектеп-лицейінің оқушылары мереке қарсаңында тыл ардагерлеріне құрмет көрсетті. Адамзат жүрегіне айықпас жара салған екінші дүниежүзілік соғыс кезінде тылда еңбек етіп, елдіктің үлгісін көрсеткен Секер Нығметқызы қазір 99-да. Ел басына күн туған сәтте ол 19 жастағы бойжеткен еді. Майдан даласына киім-кешек, азық-түлік жөнелтуге атсалысты, жеңісті жақындатуға үлес қосты. Ғасыр жасаған кейуананың ендігі тілегі-бейбіт өмір, ашық аспан, тату тірлік.
Секер НЫҒМЕТҚЫЗЫ, ТЫЛ АРДАГЕРІ:
Аяқтарың дегеніне жетсін,ойлаған ойларыңа жетіңдер. Жақсы оқыңдар, тәртіпті болыңдар.
Нұр-Сұлтан қаласында 25 соғыс , 2204 тыл ардагері бар. Соның бірі - Полина Тілегенова да мектеп ұжымының құрмет төрінен көрінді. Тоқсаннан асқан кейуана бүгінгі күніне шүкіршілік етеді. Енді зұлмат соғыс болмасын дейді.
Айгүл КЕНЖИНА, №85 МЕКТЕП-ЛИЦЕЙ МҰҒАЛІМІ:
«№85 мектеп-лицей» ұжымының бастамасымен осы мереке қарсаңында тыл ардагерлерін мерекелерімен құттықтап,аз да болса көңілдерін көтеріп қайтайық деп. Себебі қазіргі кезде тыл ардагерлері, қарияларымыздың саны азайып бара жатыр.
Б. Сатуов
