Мемлекеттік кеңесшінің төрағалығымен Сыбайлас жемқорлыққа қарсы іс-қимыл мәселелері жөніндегі комиссияның отырысы өтті. Жиында агенттік өкілдері салаға қатысты ұлттық заңнаманы және халықаралық стандарттарды енгізу арқылы қабылданған шаралар туралы баяндады. Ерлан Қарин Мемлекет басшысының Экономикалық ынтымақтастық және даму ұйымымен ықпалдастыққа баса назар аударатынын атап өтті. Шетелдік сарапшылардың ұсыныстарын жүзеге асырып, беделді халықаралық ұйыммен байланысты одан әрі нығайтуға қатысты бірқатар тапсырма берді.