Елімізде ұшатын пилотсыз такси пайда болуы мүмкін. Бұл туралы Көлік министрі Марат Қарабаев айтты. Алматы әуежайынан Алатау қаласына дейін аэромобиль арқылы тасымалдау мәселесі қазір қарастырылып жатқанын жеткізді. Сөзінше, аэромобиль – сутегімен жұмыс істейтін шағын тікұшақ. Оған 5 адамға дейін сыяды. Жоба келер жылы қолға алынбақ.
МАРАТ ҚАРАБАЕВ, ҚР КӨЛІК МИНИСТРІ:
Қазір бұл технологияны Оңтүстік Корея мен АҚШ-тың компаниялары жақсы дамытып жатыр. Қазақстандағы компания осы саланы дамытуға қызығушылық танытты. Осы саланы жіті зерттеп жатырмыз, оны пилоттық жоба ретінде қолдану мәселесін пысықтаудамыз.