Ақтауда тұрғын үйдің кіреберістерінің бірінен ер адамның мәйіті табылды. Бұл туралы Azattyq Rýhy агенттігі Lada.kz сайтына сілтеме жасап хабарлайды.
Ақтаудағы алтыншы ықшамаудандағы 24-үйдің тұрғындары бесінші қабаттың баспалдақтары арасында қимылсыз ер адамның жатқаны туралы хабар берген.
Оқиға 11 ақпан күні болды. Осыдан кейін оқиға орнына полиция қызметкерлері жеткен.
Белгілі болғандай, марқұм үйсіз-күйсіз жүрген адам болып шықты.
Маңғыстау облысының полиция департаменті ер адамның табиғи өлімнен көз жұмғанын растады.
«Марқұм қылмыстық жағдайдан емес, қалыпты өлімнен көз жұмған», - деп хабарлады полиция.