Солтүстік Қазақстан облысы Қызылжар ауданында жолаушылар пойызында өрт шықты. Оқиға Қандратовка станциясында болған, деп хабарлайды El.kz ақпарат агенттігі.
ТЖМ мәліметінше, «Петухово РФ - Петропавл» бағытындағы жолаушылар электр пойызының доңғалақ қозғалтқышы жанып, вагно астында түтін пайда болған. Жедел әрекеттердің арқасында түтін вагондарға таралмады.
Өрт сөндірушілер оттың одан әрі таралуына жол бермей, рельстердің астындағы доңғалақ жағына 1 су оқпанын жылдам берді.
Пойызда 35 адам болған, жолаушыларды эвакуациялаудың қажеттілігі болмаған. Себебі өрт қысқа мерзімде сөндіріліп, қозғалтқышты салқындату жұмыстары жүргізілуде.