Ұлы Жеңістің 80 жылдығына орай әскери парадқа қатысушы сарбаздардың алғашқы легі Астанаға келді. Бұл — Ақтау гарнизонының теңіз жаяу әскерлері бригадасынан келген 170-тен астам әскери қызметші. Парад 7 мамырда болады. Оған дейін сарбаздар дайындықтан өтеді.
САҒИ ҚЫЗАЙБЕК, "БАТЫС ӨҢІРЛІК ҚОЛБАСШЫЛЫҒЫ" ТЕҢІЗ ЖАЯУ ӘСКЕРИ БРИГАДАСЫНЫҢ ГВАРДИЯ ЛЕЙТЕНАНТЫ:
Бала кезден арманымыз осы әскери шеруге қатысу болатын және сол арман орындалып алғаш рет әскери шеруге қатысуға келіп тұрмыз. Жоғары тәртіппен бізге қойылған тапсырманы ойдағыдай орындауға уәде береміз.