Астанада Ұлттық қауіпсіздік комитеті қызметкерінің денесі табылды, тергеу жүргізіліп жатыр, - деп хабарлайды Massaget.kz.
"21 сәуірде Астана қаласындағы тұрғын үй кешенінің ауласынан Ұлттық қауіпсіздік комитеті қызметкерінің мәйіті табылды. Полиция органдары соталды тергеп-тексеруді бастады", - деп жазылған хабарламада.
Комитет мәліметінше, болған оқиғаның мән-жайы нақтыланып жатыр.
Астана Полиция департаменті бұл дерек бойынша қылмыстық іс қозғалғанын хабарлады.
"Алдын ала мәлімет бойынша 42 жастағы ер адам пәтерінің терезесінен құлап кеткен. Қазір оқиғаның барлық мән-жайы анықталып жатыр", - деді ПД баспасөз қызметі өкілі.