Шымкентте лауазымды тұлғалар жүргізуші куәлігін сатқан. 500-ден астам адам емтихан тапсырмай-ақ куәлікті заңсыз жолмен алған. Олардан теориялық және практикалық емтихандар талап етілмеген. Бұл "қызметтің" құны 150 мыңнан 400 мың теңгеге дейін жеткен.
ЕРНАР ТАЙЖАН, ҚР ҚМА РЕСМИ ӨКІЛІ:
Қазіргі таңда тергеу аясында 200 млн теңгеден астам сомаға бағаланған күдіктілердің мүлкіне - 2 жеке үй, 2 пәтер, 2 жер телімі және 10 автокөлікке тәркілеу мақсатында тыйым салынды. Соттың санкциясымен 12 күдіктіге қатысты қамауға алу түріндегі бұлтартпау шарасы қолданылды. Қылмыстық іс бойынша сотқа дейінгі тергеу жалғасуда.