Қазақстанда енді номиналы 1 және 2 теңге болатын тиындар шығарылмайды.
Ұлттық банк төрағасы Тимур Сүлейменовтің айтуынша, шағын номиналды тиындарды шығаруға қосымша шығын кетуіне байланысты осындай шешім қабылданған.
"Оны шығару орынсыз екенімен келісеміз (1 теңгені - еск.), сондықтан негізгі жоспарымыз мынадай: ол айналымда бар, қала береді, бірақ қосымша шығаруды жоспарлап отырған жоқпыз. Сондай-ақ, бұл 2 теңгеге де қатысты", - деді Сүлейменов.
Ол айналымдағы тиындар алынбайтынын, алайда жаңаларын шығару тоқтатылатынын мәлімдеді.
"Айналымда, қалтамызда жүргендерді алып тастамаймыз. Бірақ жаңасына ақша жұмсамаймыз", - деп Ұлттық банк басшысы.