Атырау облысында 2024 жылғы жазғы шомылу маусымына 46 су айдыны ресми түрде рұқсат алған. Алайда көктемгі су тасқынының салдарынан өзен-көл арналарының құрылымында күрт өзгерістер болып, 42 су айдынының ашылуы уақытша кейінге шегерілді.
Қауіпсіздік шараларын күшейту мақсатында жергілікті атқарушы органдар мен Төтенше жағдайлар департаментінің бастамасымен 266 тыйым салу белгісі және 12 ақпараттық стенд орнатылып, 70 қауіпті су айдыны анықталды.