8 шілде күні Қазақстан аумағында ауа райы құбылмалы болады, деп хабарлайды Astana TV.
Синоптиктердің мәліметінше, атмосфералық фронтальды бөліктердің әсерінен елдің солтүстігінде, шығысында және оңтүстік-шығысында:
- жаңбыр жауады
- найзағай ойнайды
- шығыста бұршақ түсуі мүмкін
- шығыс өңірлерде қатты жаңбыр күтіледі.
Антициклон жотасының ықпалымен республиканың қалған өңірлерінде жауын-шашынсыз ауа райы сақталады. Сонымен қатар, күндіз аптап ыстық пен өрт қаупі артады.
+40°C дейінгі ыстық ауа райы күтілетін өңірлер:
- Түркістан облысының батысы – +40°C
- Атырау және Алматы облыстары – +35°C
- Жетісу облысының шығысы мен солтүстігі – +35…+37°C.
Синоптиктердің мәліметі бойынша, келесі облыстарда жоғары және төтенше өрт қаупісақталады:
Жоғары өрт қаупі:
- Маңғыстау
- Атырау
- Алматы (оңтүстік, шығыс)
- Ақтөбе (оңтүстік, оңтүстік-шығыс)
- Шығыс Қазақстан (оңтүстік, орталық)
- Ұлытау (орталық)
Төтенше өрт қаупі:
- Жамбыл
- Қызылорда
- Түркістан
- Жетісу
- Алматы (солтүстік, батыс, орталық)
- Қарағанды (батыс, оңтүстік, шығыс)
- Ұлытау (облыс орталығы)
- Ақтөбе (орталық)
- Маңғыстау (солтүстік-батыс)
- Қостанай (оңтүстік-батыс)
- Абай (оңтүстік).
Шығыс өңірлерде найзағаймен қатар шквал тіркелуі мүмкін – бұл кенет күшейетін дауыл сипатындағы жел.
«Атмосфералық фронтальды бөліктер елімізде тұрақсыз ауа райын тудырады. Шығыста күшті жел мен бұршақ түсу қаупі бар», – деп мәлімдеді «Қазгидромет».