Қытайдың Чунцин қаласында өткен беделді кинофестивальде Бақыт Қажыбаевтың рөлі жоғары бағаланды, деп хабарлайды Ulysmedia.kz.
6 шілде күні Қытайдың Чунцин қаласында Шанхай ынтымақтастық ұйымына (ШЫҰ) мүше елдердің халықаралық кинофестивалі салтанатты түрде жабылды. Байқауға қатысқан қазақстандық фильмдердің бірі – «Набат операциясы» – көрерменнің де, қазылардың да көңілінен шықты. Аталған фильмдегі басты рөлді сомдаған актер Бақыт Қажыбаев «Үздік актер» аталымына лайық деп танылды.