Келесі жылы тұрғын үй бағасы 20% қымбаттауы мүмкін. Желіде осындай ақпарат тарады. Жұрт Жаңа Салық кодексі мемлекеттік бағдарлама арқылы салынатын баспана құнына әсер етеді деп топшылап отыр. Бірақ Премьер-министрдің бірінші орынбасары бұл мәліметті жоққа шығарды. Роман Скляр кодекстің қабылдануы қарапайым азаматтарға ешқандай кері әсерін тигізбейді дейді. Қазірдің өзінде ақысы тым қымбат емес екенін айтты. Эконом-класс санатындағы үйді қолайлы теңгеге табуға болатынына сенімді.
РОМАН СКЛЯР, ҚР ПРЕМЬЕР-МИНИСТРІНІҢ БІРІНШІ ОРЫНБАСАРЫ:
Жаңа Салық кодексі ешқандай жағдайда қарапайым азаматтарға ықпал етпейді. Біз биыл 19 млн шаршы метрден асатын тұрғын үйді пайдалануға беруді жоспарлап отырмыз. Тұрғын үй құны нарықтық әдістермен реттеледі.