Жамбыл облысында жастар арасындағы атысқа қатысы бар деген күдікпен 4 адам ұсталды. Оқ атып адам өміріне қауіп төндіргендер қазір қамауға алынып, тергеліп жатыр. Ұсталғандардың төртеуі де Мойынқұм ауданының тұрғындары. Жастары 18 бен 38 жас аралығындағы ауыл азаматтары. Текетірестің неден туындағаны әлі түсініксіз. Бір белгілісі жастар өзара сөзден сөз шығып ерегесіп, кейін жаппай төбелеске ұласып, арты атысқа айналған. Еске сала кетейік 29 шілдеде Жамбыл облысындағы Мойынқұм ауылында атыс болғаны туралы хабарлама келген. Кейін 21:30 шамасында оқтан жарақат алған төрт ер адам аудандық ауруханаға түскен. Алдын ала мәлімет бойынша зардап шеккендер травматикалық қарудан оққа ұшқаны белгілі болды. Рәзеңке оқ, ауруханаға жеткізілгендердің басына, аяқ –қолдарына, кеуде тұстары мен жамбастарыннан жарақат алған. Дәрігерлер оларға ота жасап жатып аман сақтап қалған. Қазір жағдайлары тұрақты деп отыр. Олар жансақтау бөлімінен хирургия бөлімшесіне ауыстырылыпты. Жастар арасындағы жанжалдың ақ қарасын анықтау үшін тергеу амалдары жүргізілуде. Құзырлылар тергеу мүддесіне байланысты өзге де мәліметтер жария етуге жатпайды дейді.
ҚҰНДЫЗ БӨГЕНБАЕВА, ЖАМБЫЛ ОБЛЫСЫ ПОЛИЦИЯ ДЕПАРТАМЕНТІНІҢ АҒА ЖЕДЕЛ УӘКІЛІ:
Қазіргі таңда күдіктілер уақытқа ұстау изоляторына қамаққа алынды. Оқиғаның барлық мән жайын анықтау мақсатында сотқа дейінгі тергеп-тексеру амалдары жүргізілуде. Тергеу барысы полиция департаменті басшлығының бақылауында.