Елордада ерекше балалардың арманын бейнелейтін анимациялық фильмнің тұсауы кесілді. "Үміт әрдайым жанымызда" деп аталатын қысқаметражды туынды Ұлттық балаларды оңалту орталығында таныстырылды. Фильм – ерекше қажеттіліктері бар балалардың ішкі әлемі мен арманына терең үңілуге тырысқан алғашқы отандық жобалардың бірі. Шара Мәдениет және ақпарат министрлігі мен Ұлттық киноны қолдау мемлекеттік орталығының қолдауымен ұйымдастырылды.
РОЗА МҰҚАНОВА, "ҰЛТТЫҚ КИНОНЫ ҚОЛДАУ МЕМЛЕКЕТТІК ОРТАЛЫҒЫ" КЕАҚ ЖАНЫНДАҒЫ САРАПТАМА КЕҢЕСІНІҢ МҮШЕСІ:
Баланың қиялының жүйріктігі. Бізде айтады ғой, армандар орындалады деп, ал баланың арманының қиялының орындалғандығы, баланың арманының шындыққа айналғанын көрдік бүгін. Бір ерекшелігі ұлттық кино орталығының жастарды қолдаудағы, жас шығармашыл тұлғаларды қолдаудағы ерекше еңбегінің көрінісі деп ойлаймын.
ДИАНА МЫРЗАҒАЛИЕВА, СЦЕНАРИЙ АВТОРЫ:
Бүкіл балалық шағым оңалту орталықтарында өтті. 7 жасқа дейін сөйлеуім кешеуілдеді. Мені ешкім түсінбеді, балалармен дос болу қиын болды. Бірақ сол қиындықтардың арқасында менің ішкі әлемім байыды. Бұл мультфильм - балалық арманым мен бүгінгі мақсатымның жемісі. Оның қоғамға пайдалы болатынына сенемін.