Тал түсте мотоцикл тізгіндеген туристі пышақтаған Жамбыл облысының тұрғынына қатысты сот үкімі шықты. Адам өлтіруге оқталғаны үшін және суық қаруды сақтағаны үшін сот оны 11 жылға бас бостандығынан айырды. Естеріңізге салсақ, осыдан төрт ай бұрын Меркі ауданындағы жанармай бекеттерінің бірінде белгісіз азамат мото көлік иесін пышақтап ауруханаға аттандырған. Туристке суық қару алып жүгірген бұзақының бұл әрекеті май құю бекетінің бейнебақылау құрылғысына түсіп қалған. Онда қара түсті киім киіп алған азамат қалтасынан пышақ шығарып, бірнеше жеріне сұғып алады. Осыған қатысты тергеу төрт айға дейін созылып, ақыры сол екі бап бойынша кінәлі деп тауып 11 жылға соттады. Сот үкімі әлі заңды күшіне енген жоқ.
АЛИНА РАЙЫМБАЕВА, ОБЛЫСТЫҚ СОТТЫҢ БАСПАСӨЗ ХАТШЫСЫ:
Сот үкімімен сотталушы Қылмыстық кодесінің 287 бабы мен 1 бөлігі, 24 бабтың 3 ші бөлігі, 99 бабтың 2 бөлігі 9-шы тармағы бойынша кінәлі деп танылып оған онша қатаң емес жазаның неғұрлым қатаң жазаға сіңіру жолымен түпкілікті 11 жыл 3 ай мерзіммен басбостандығынан айыру жазасы тағайындалды. Сондай-ақ, сот 500 мың теңге маралдық зиян және 1 млн 300 мың теңгеден астам мүліктік залал сомасын өндірді.