Қызылжарда көмір қымбаттады. Аймақта қара отынның бағасы 25 мың теңгеге жеткен. Құзырлы органдар мұны шикізаттың өзіндік құнының жоғарылауымен түсіндірді. Бүгінде шұбаркөл мен қаражыра көмірі ең қымбат бағамен саудаланып жатыр. Ал майқұба мен екібастұз сынды түрлері шамамен 30-40 пайызға арзан. Жалпы теріскейліктердің жылдық сұранысы 600 мың тоннаға жуықтайды.
ҚУАНДЫҚ ШАКУБАЕВ, СҚО ЭНЕРГЕТИКА ЖӘНЕ ТҮКШ БАСҚАРМАСЫ БАСШЫСЫНЫҢ ОРЫНБАСАРЫ:
Аймақ тұрғындары жыл сайын 409 мың тонна көмір сатып алады. Бүгінде олардың 28 пайызы қысқа қамданып қойған. Ал бюджеттік ұйымдар болса, 140 мың тоннаның жартысынан астамын қоймасына жеткізіп үлгерген. Қазір тапшылық жоқ.