«Өгей әкем 8 жасымнан бері қорлап келеді». Алматы облысының тұрғыны осылай деп дабыл қақты. Жасөспірімнің айтуынша, анасы 2015 жылы екінші рет некелескен. Алғашында артық қылығы болмаған азамат уақыт өте келе жеткіншекке интимді видеолар көрсетіп, денесіне қол жүгірте бастапты. Сорақысы, жас қыздың өгей әкеден тартқан қорлығын анасы да, өзге туыстары да біледі. Бірақ араша түспеген. Туғандарынан қолдау таппаған қыз полицияға шағым түсірген.