Оралдықтар Конституцияның 30 жылдығын кең көлемде атап өтті. Облыста осы атаулы күнге орай жүздеген шара ұйымдастырылды. Тәртіп сақшылары мерейтой қарсаңында, жаңа көлік мініп, көңілін демдесе, ғалымдар мен тарихшылар бұл күннің еліміз үшін мән-маңызын кеңінен толғады. Тілшіміздің материалында.
Тәуелсіз Қазақстан тарихында төл Конституция алты рет өзгертілді. Мамандар мұны еліміздің басты заңы заман талабына сай болуы керектігімен түсіндіреді. Қазір бұл құжат дамыған демократиялық елдердің Ата Заң¬дары¬мен тең деңгейде.
РАМАЗАН КӨКЖАЛОВ, ЗАҢГЕР:
Дүниенің дамыған мемлекеттерін қарасақ, мысалы Америка Құрама Штаттары. Ол жақта конституция 239 жылда 20-дан аса өзгерсе, басқа мемлекеттерде 15 түрлі конституция болды дейді. Конституцияға егер өзгеріс енгізу сұранысы болса, бұл деген конституция қолданылып жатыр деген сөз. Бұл өте позитивті, бұл өте сондай жақсы көрсеткіш.
Конституцияның 30 жылдығын оралдықтар кең көлемде атап өтті. Бұл күні полицейлерге жаңа қызметтік көліктің кілті тапсырылды. Сонымен қатар, осы мерекеге орай, құрметке лайық деп танылған бірқатар саланың мамандары марапатталды.
НАРИМАН ТӨРЕҒАЛИЕВ, БАТЫС ҚАЗАҚСТАН ОБЛЫСЫНЫҢ ӘКІМІ:
Мемлекет басшысы Қасым-Жомарт Кемелұлы Тоқаев қазақ халқы қай заманда да заңға бас иген, дала заңын сақтаған халық. Бұл біздің қанымызға сіңген қасиет. Қасым ханның қасқа жолын, Есім ханның ескі жолын, әз Тәукенің "Жеті Жарғысын" Ұлы даланың конституциясы деуге болады. Ұлы далада еркіндік пен әділдік, ар-намыс пен адамгершілік, тілеулестік пен жауапкершілік бәрінен биік тұрған деп айтқан болатын.
Мереке қарсаңында Бәйтерек пен Казталов аудандарында екі жаңа мектептің ашылуы жоспарланып отыр.