7 айдың ішінде 8 мыңнан аса тұрғын отбасылық зорлық-зомбылыққа душар болды. Мұндай құқықбұзушылықты азайту үшін Ішкі істер министрлігі бірнеше істі қолға алды. Жыл басынан бері 10 мыңнан аса қылмыс ашылып, 10 млн-ға жуық әкімшілік бұзушылықтың жолын кесілді. 2,6 млрд теңгеден астам қаржы ұрлығының алды алынды. Жедел қызметтер алаяқтар пайдаланған 88 мыңнан астам SIM-картаны тәркіледі. Есірткіге қатысты 4,6 мыңнан астам қылмыс анықталып, 13 ұйымдасқан қылмыстық топ жойылды.
ЕРЖАН СӘДЕНОВ, ҚР ІШКІ ІСТЕР МИНИСТРІ:
Біздің жұмысымыздың негізі – «заң мен тәртіп» қағидасы. Алдын алу шараларының арқасында қылмыстар саны 13%-ға төмендеді, бұл өткен жылмен салыстырғанда 9 мыңға аз. Кісі өлтіру, қарақшылық әрекеті, тонау, бұзақылық, ұрлық және мал ұрлығы азайды. Бұрын сотталғандар қоғамдық орындарда және қару қолдану арқылы жасалған қылмыстық құқық бұзушылықтар саны кеміді, қылмыстың ашылу көрсеткіші жақсарды.