Жамбыл облысы Полиция департаментінің экстремизмге қарсы іс-қимыл басқармасының бастығы мен оның орынбасары ұсталды. Оларды Ұлттық қауіпсіздік комитетінің қызметкерлері құрықтаған. Алдын ала мәлімет бойынша, шенді полицейлер пара алды деген күдікке ілінген. Олар қаланың орталық мешітінде бұзақылық жасағаны үшін ер адамнан ақша бопсалауға қатысы болуы мүмкін. Үш миллион теңгеге "мәселені шешіп", қылмыстық жауапкершіліктен босатып береміз деп уәде еткен көрінеді.