Корольдік клуб Қазақстанға келеді. Футбол жанкүйерлері түгілі "Қайрат" командасының өзі қатты қуанды. "Реал Мадрид" командасының әлеуметтік желідегі парақшасын қазақстандық жанкүйерлер жарып жібіре жаздады. Көпшілік күткен матч қай қалада, қашан өтеді? Жомарт Түзелбайды тыңдайық.
Жеребе тарту рәсімін "Қайрат" ойыншылары бірге тамашалап, қуанған сәті. Жанкүйерлерде жылы қабылдады. Коральдік клубқа қарсы ойнау барлық ойыншының арманы екені анық. Қайрат қарсылас қарымды деп тұрған жоқ. Мықтымен шеберлік байқасып, тәжірибе жинақтамақ.
ӘЛІМЖАН АСҚАР, ҚАЗАҚСТАН ҰЛТТЫҚ ҚҰРАМАСЫНЫҢ МЕДИА-ОФИЦЕРІ:
Қайрат футбол клубы басты мақсатына жетті. Олар іріктеу кезеңінен сүрінбей өтті. Біздің чемпиондарымыз финалда Селтикті қапы қалдырып жеңіске жетті. Біз үшін соның өзі трофей. Енді жалпы кезеңдегі әрбір матч жай ғана жанкүйерді қуанту, бізді бақытты ету мүмкіндігі деп білеміз. Қайратқа қысым жасамаймыз. Футболшылар қандай ойын көрсетсе де біз үшін чемпион.
Реал Мадрид командасы кімдермен қарсылас атанғанын әлеуметтік желіде жариялады. 1,5 миллион лайк жинаған жазбаның астына 50 мыңнан астам коментарий қалдырылған. Олардың басым көпшілігі қазақстандықтар. Бірі сүйікті командасының келетінін асыға күтетінін жазса, енді бірі ұтылсаңдар сылтау айтпаңдар деп қалжыңдапты.
БЛИЦ:
- Қазақтар жиналып қапты ғой. АЛҒА ҚАЙРАТ
- Қалың малым 1 билет.
- Сразу пенальти тебіссек болмай ма?
Корольдік клубтың Қазақстанға келетіні үлкен мереке болмақ. Отандастарымыз түгілі Азия құрлығы Алатауды бетке аламыз деп алақан ысқылап отыр. Бірақ алаяқтар мұндай кезде аянып қалсын ба? Билетке тапсырыс беру 400 мың теңге деген жалған ақпарат таратуда.
ЖОМАРТ ТҮЗЕЛБАЙ, ТІЛШІ:
Реал Мадрид пен Қайрат командалары арасындағы матчтың қашан өтетіні ертең белгілі болмақ. Бұл кездесу Карольдік клуб үшін УЕФА тарихындағы ұзақ сапарлардың бірі. Қазақстандық команда үшін де тарихтағы ең маңызды матч болғалы тұр.