Атырау облысы Махамбет ауданының жастары экологиялық сенбілік өткізді. “Эко-демалыс” шарасына 18 бен 35 жас аралығындағы 50-ге жуық ерікті аудан аумағындағы табиғи демалыс аймағын қоқыстан тазалады. Олар Сарайшық ауылы маңындағы 2 гектарға жуық орманды алқап бен жағалаудан 10 тоннадан астам тұрмыстық қоқыс пен зиянды заттарды жинады. Акция аясында жастарға арналған ойын-сауықтық байқауларын өткізіп, жеңімпаздар мен қоршаған орта табиғатын таза сақтауға үлес қосқан белсенділер арнайы сыйлықпен марапатталды.
ҚҰРАЛБЕК ЖИЕНҒАЛИЕВ, МАХАМБЕТ АУДАНДЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҚ БӨЛІМІНІҢ БАС МАМАНЫ:
Басты мақсат – табиғатты тазалап қана қоймай, жастардың тәрбиесіне, болашағына «Таза Қазақстан» акциясы арқылы үлес қосу, осы идеологияны сіңіру. Осындай акциялар арқылы жастарды тазалыққа баулып, Таза Қазақстанды құра аламыз.