Жыл басынан бері 198 жағдай тіркелді — бұл 100 мың адамға шаққанда 27,8 көрсеткіш. Бұл өткен жылмен салыстырғанда 15,5%-ға аз.
2024 жылы туберкулездің деңгейі 2020 жылмен салыстырғанда 28,6%-ға төмендеді: сол кезде 413 жағдай тіркелсе, қазір — 315.
Ең жиі кездесетін түрі — өкпе туберкулезі (85,8% жағдай), жоғары жұқпалы болғандықтан қауіпті.
Алдын алу үшін өңірде:
- балалар мен жасөспірімдерге Манту және Диаскинтест сынақтары
- 15–17 жастағы жасөспірімдер мен ересектерге флюорография
- жаңа туғандарға БЦЖ вакцинациясы (туғаннан кейін алғашқы 2–4 күнде тегін) жүргізіледі
Дүниежүзілік денсаулық сақтау ұйымының дерегінше, вакцинация жасалмаған балалар туберкулезбен 6 есе жиі ауырады.
Дәрігерлердің айтуынша, туберкулезбен күрестегі жетістіктер — дәрігерлер мен тұрғындардың алдын алу шараларына белсенді қатысуының нәтижесі.