Алматы облысынан шыққан түйелерден тұратын керуен Іле ауданында бір километр жол жүріп өтіп, ресми түрде Гиннес рекорды кітабына енгізілді. Сертификатты Гиннес рекордының өкілі Ричард-Уильям Стэннинг тапсырды.
Стэннингтің айтуынша, рекордтың ерекшелігі барлық түйелердің бір адамға тиесілі болуы.
Керуеннің иесі Сыдық Даулетов жобаны дайындауға шамамен жарты жыл кеткенін, жануарларды біріктіру оңай болмағанын айтты.
«Біз мүмкін емес нәрсені мақсат пен сенім арқылы іске асыра алатынымызды дәлелдедік. Болашақта шұбат фестивалін өткізіп, дәстүрлерімізді жандандыруды жоспарлап отырмыз»,-дейді ол.