Шымкентте 11-сынып оқушысы «үй тазалауға келген әйелді өлтіріп, оның мәйітімен жыныстық қатынасқа түскен. Қылмыстық істер жөніндегі мамандандырылған ауданаралық сотында шілде айында болған аса ауыр қылмыс бойынша алдын ала сот тыңдауы басталды.
НҰРЖІГІТ ЕРМЕНТАЙ, ПРОКУРОР:
Кәмелетке толмаған сотталушы Анар жәбірленуші Оңғарбаевамен жыныстық қатынасқа түскісі келіп Шымкент қаласындағы тұрғын үйге тазалық жұмыстарын жүргізу керек деп өтірік айтқан.
Үйін тазалаған әйел жұмыс ақысын сұрағанда, оны ту сыртынан пышақтаған көрінеді. Жәбірленуші сол жерде қаза тапқан. Прокурордың сөзінше, айыпталушы жәбірленушіні өлтіріп қана қоймай, онымен жыныстық қатынасқа түсіп, ұялы телефонын ұрлап, сатып жіберген. Ал 26 жастағы келіншектің денесі 10 күннен кейін қаладағы қоқыс жәшіктерінің бірінің жанынан табылды. Айыпталушы кінәсін ішінара ғана мойындап отыр.
ҚАРЛЫҒАШ ОҢҒАРБАЕВА, МАРҚҰМНЫҢ АНАСЫ:
Менің талабым баланы өмір бойына мәңгілікке соталуын қалаймын. Ол ұсталған кезде бәрін мойындаған, қазір мойындамай отыр. Қызымның 26 жеріне пышақ тыққан. Өлтіргеннен соң жыныстық қатынаста болған.