«Таза Қазақстан» акциясы аясында Түркістан облысы Арыс қаласында тазалық шарасы өтті. Арыстықтар бұл жолы қаланың ішкі аумағынан өтетін Қабылсай табиғи арнасының бойын күл-қоқыстан тазартты. Бұл көктем және күз айларында еріген қар мен жауын-шашын суларын өткізуге арналған табиғи су арналарының бірі. Сондықтан ондағы санитарлық жағдайды тұрақты бақылауда ұстау және арна бойын күл-қоқыстан тазарту – қала тұрғындарының қауіпсіздігін қамтамасыз етеді. Тазалық шарасы қаланың орталығында да өтті. Жиылған көпшілік жаяу жүргіншілер жүретін жол жиктері мен аллеяларға қылқан жапырақтарды ағаш көшеттерін екті.
АҚЫНБАБА ҚОШҚАРОВ, АРЫС ҚАЛАСЫНЫҢ ТҰРҒЫНЫ:
«Таза Қазақстан» акциясы 1 күндік нәрсе емес. Жыл бойы «Таза Қазақстан» акциясын қолдап, барлық жерді таза ұстасақ өзіміздің денсаулығымызға да, өмірімізге де өте пайдалы.