№55 орта мектептің оқушылары «Таза Қазақстан. Астана – тазалық пен тәртіптің үлгісі» акциясы аясында пластик бөтелке қақпақтарын жинап, Қазақстанның көлемді картасын жасады, деп хабарлайды Astana TV.
Жоба қоршаған ортаға сүйіспеншілікті арттыру және қоқысты қайта қолдануға үйрету мақсатында ұйымдастырылды. «Экоәлем» бағыты бойынша мұғалім Данар Төлегенова жетекшілік етті. 5-11 сыныптар арасында өткен сайыста 832 қақпақ жиналып, карта жасауға 397 түрлі-түсті қақпақ пайдаланылды. Жұмысқа оқушылардың «Экоәлем» көшбасшылары мен ата-аналар да қатысты.
Жоба балалардың экологиялық мәдениетін дамытып, шығармашылық пен патриотизмді көрсетеді.