Мадридтің "Атлетико" клубының шабуылшысы Хулиан Альварес Англияға оралуы мүмкін. Аргентиналық футболшының жағдайын Лондонның "Челси" клубы мұқият бақылауда, деп хабарлайды Astana TV Aladop.kz-ке сілтеме жасап.
Шабуылшы қазіргі уақытта өзінің болашағына қатысты нақты шешім қабылдамаған, ал баспасөзде оның басқа клубқа ауысуы туралы қауесеттер жиі таралуда. Transfermarkt мәліметіне сәйкес, Хулиан Альварестің трансферлік құны 100 миллион еуро деп белгіленген.
Қазіргі таңда 25 жастағы футболшы үшін басты үміткер ретінде "Барселона" аталып отыр, алайда "ПСЖ" де оған қызығушылық танытуда. Әлем чемпионының Мадрид клубымен қолданыстағы келісімі 2030 жылға дейін жарамды.