Батыс Қазақстан облысында «Батыс Қазақстан индустриалдық колледжі» директоры бюджет қаржысын жымқырды деген күдікпен тергеліп жатыр,-деп хабарлайды Astana TV.
«Тергеу мәліметінше, ол оқуға қатыспаған 54 адамды студент ретінде жалған тіркеп, олардың атына:сабаққа қатысу табельдерін,бағаларды,үлгерім құжаттарын рәсімдеген»- деп мәлімдеді ҚМА.
Қаржы мониторингі агенттігінің ақпаратынша, стипендия да заңсыз тағайындалып, кей жағдайда көтеріңкі мөлшерде төленген. Жалған студенттердің атына ашылған шоттардағы ақша директорға немесе оның адамдарына беріліп, қолма-қолға айналдырылған.
Келтірілген шығын – 49 млн теңгеден асады. Қазіргі уақытта күдікті үйқамаққа алынған, оның пәтеріне тыйым салынды. Тергеу жалғасуда.