Алматыда бастауыш сынып оқушыларына арналған интерактивті ЖҚЕ сабағы өтті.
Алматы қаласында балалардың жол-көлік оқиғаларынан жарақат алуының алдын алу мақсатында №221 жалпы білім беретін мектептің базасында бастауыш сынып оқушыларының қатысуымен кең ауқымды профилактикалық іс-шара ұйымдастырылды. Іс-шара аясында балаларға арнайы интерактивті оқыту алаңы дайындалды: импровизацияланған жол сахнасы, оқу бағытындағы жол белгілері мен аялдамалар орнатылды. Инспекторлар оқушыларға жолда жиі кездесетін жағдайларды сахналай отырып, жол қозғалысы ережелерін сақтаудың маңыздылығын түсіндірді. Патрульдік полиция қызметкерлері макет арқылы жылдамдықты асырған жағдайда қандай салдар болуы мүмкін екенін көрсетті әрі жолды тек белгіленген жерлерден және бағдаршамның белгілерін сақтай отырып өту қажеттігін түсіндірді.