Жамбыл облысының әкімі Ербол Қарашөкеевтің айтуынша, өңірде ТМД елдерінде аналогы жоқ жасанды интеллектті пайдалана отырып, бірегей жоба іске асырылды. Жоба аясында 22 медициналық мекеме бірыңғай радиологиялық ақпараттық жүйеге біріктірілген. Бұл дәрігерлерге және сүт безі қатерлі ісігін ерте сатысында анықтауға мүмкіндік береді.
«Жедел церебральді қан айналымы бұзылыстарын, ишемиялық инсультті диагностикалауға, оның локализациясы мен зақымдану көлемін бағалайтын дәрігерлерге көмектесу үшін «Серебро» жасанды интеллект жүйесін енгізу жоспарлануда», – деді спикер ОКҚ алаңында өткен баспасөз конференциясында.