ТЖМ азаматтарды жұқа мұзға шықпауға және су айдындарындағы қауіпсіздік ережелерін сақтауға шақырады
Қыс – мұз үстінде балық аулаушылар мен демалушылар үшін ең қауіпті кезеңдердің бірі. Өңірлерде құтқару бөлімшелері жұқа мұздың қауіптілігі туралы азаматтардың хабардарлығын арттыру және жазатайым оқиғалардың алдын алу мақсатында профилактикалық шаралар жүргізуде.
«Мұз» республикалық үгіт-насихат және профилактикалық акциясы аясында 6,5 мыңнан астам рейд пен патрульдеу ұйымдастырылып, 35 мыңнан аса азаматпен түсіндіру әңгімелері жүргізілді, сондай-ақ 12 мың балықшыға нұсқаулықтар берілді. Құтқарушылардың жедел әрекеттерінің арқасында 11 адам, оның ішінде 7 бала құтқарылды.