Мәжіліс депутаттары еңбек қауіпсіздігін арттыруға және қызметкерлердің құқықтарын қорғауға бағытталған заңды екінші оқылымда қабылдады.
Енді егер жұмыс барысында еңбек қатынастарының кемінде бір белгісі анықталса, азаматтық-құқықтық келісімшарт жасауға тыйым салынады. Ұжымдық шарттарға өндірістегі жазатайым оқиғалар кезінде төленетін өтемақылар мен жәрдемақыларды міндетті түрде көрсету талап етіледі.
Сондай-ақ өндірістік жарақаттың ауырлық деңгейін денсаулық сақтау саласындағы уәкілетті орган айқындайды. Ал еңбек қауіпсіздігіне жауапты маман тікелей ұйым басшысына бағынады.