Атырауда ашылған И.М.Губкин атындағы мемлекеттік мұнай және газ университетінің филиалы бәсекеге қабілетті инженерлерді дайындайды. Бұл Мемлекет басшысы Қасым-Жомарт Тоқаевтың тапсырмасы аясында Қазақстан-Ресей үкіметаралық ынтымақтастық келісіміне сәйкес жүзеге асты. Филиал Сафи Өтебаев атындағы Атырау мұнай-газ университеті базасында жұмыс істейді. Мемлекет жыл сайын 100 білім беру грантын бөліп отыр. Мұнда бакалавриаттың 3 бағыты бойынша: “Газ және мұнай құбырлары мен газ-мұнай қоймаларын салу және пайдалану”, “Мұнай-газ технологиялары” және “Кен орындарын геологиялық модельдеу бойынша ” мамандар дайындайды. Филиалдың аудиториялық және зертханалық қорлары зманауи технологиялық жабдықтармен және виртуалды тренажерлармен жабдықталған. Оқу процесіне қос елдің тәжірибелі профессорлық-оқытушылық құрамы тартылған. Студенттер еліміздің жетекші мұнай-газ компанияларынан тәжірибеден өтеді. Филиал 20 маусымнан бастап құжат қабылдай бастайтынын айта кетейік.
ЕДІЛ САДЫҚОВ, И.М.ГУБКИН АТЫНДАҒЫ РМУ АТЫРАУ ФИЛИАЛЫНЫҢ АТҚАРУШЫ ДИРЕКТОРЫ:
Өндірістік оқу полигонда студенттер толықтай мұнай-газ ісінің бұрғылаудан бастап, мұнайды өндіру тізбегімен толықтай зерттеп солармен танысады. Тыс елді-мекеннен келген балаларға, студенттерге жатақхана қарастырылған. Бұған қоса, білім беру бағдарламасы РФ білім беру стандартына да, Қазақстан стандартына сәйкес жасақталған.