Алматыда төбелес болып, бір адам пышақ жарақатын алды. Полиция зардап шеккен азаматты анықтап, жедел іздестіру барысында оқиғаға қатысы бар деген күдікпен алты адамды ұстады. Кейбірінен заттай дәлелдемелер тәркіленген. Күдіктілер Әуезов аудандық полиция басқармасына жеткізілді.
САЛТАНАТ ӘЗІРБЕК, АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:
Қазіргі уақытта полиция қызметкерлері оқиғаның толық хронологиясын, жанжалдың себептерін, қатысушылардың әрқайсысының рөлін, сондай-ақ пышақ жарақатын салуға тікелей қатысы бар адамды анықтап жатыр. Сотқа дейінгі тергеп-тексеру жалғасуда.