15 тамызға дейін еліміздегі 69 перзентхана тексеріледі. Жауапты мамандар инфекциялық бақылау талаптарының орындалуын саралап, ана мен нәрестенің қауіпсіздігін күшейтуге және ауруханаішілік инфекциялардың алдын алу шараларының тиімділігіне ерекше мән береді. Сондай-ақ өңірлердегі медициналық ұйымдарды қажетті жабдықтармен, қорғаныш құралдарымен қамтамасыз етіп, медицина қызметкерлерін инфекциялық бақылау бойынша тұрақты оқыту жолға қойылмақ.