Астанада дрондар арқылы тапсырыс беру қызметі іске қосылды. Енді жеңіл тағамдар мен сувенирлерді тікелей әуе арқылы тапсырыс беруге болады. Жүйенің жұмысы өте қарапайым, арнайы сары жәшіктегі QR-кодты сканерлеп, қажетті өнімді таңдасаңыз жеткілікті. Тапсырыс ең көп дегенде 8-10 минут ішінде арнайы M-Port смарт-постоматтарына жеткізіледі. Әуе курьерлері салмағы 2 жарым келіге дейінгі жүкті тасымалдауға қауқарлы. Ең бастысы, жеткізу қызметі тегін әрі ұсынылатын тауарлардың бағасы халыққа қолжетімді.
ДАСТАН ЗАЙНОЛДА, «ALATAU ADVANCE AIR GROUP LTD» КОМПАНИЯСЫНЫҢ ҚАЛАЛЫҚ ӨКІЛІ:
Киоск постаматтарымыз 5 жерде орнатылған. Біреуі осы «Qazaqstan» жеңіл атлетика кешенінде, «Барыс Аренада», Жекпе-жек кешенінде және «Алау» мұз айдынының қасында екеуі орнатылған. Барлығы 5 нүкте бар. Бүгінде дронмен жеткізуді қолға алған әлемде 3-ақ мемлекет бар. Олар: Қытай Халық Республикасы, Біріккен Араб Әмірліктері және үшінші болып Қазақстан қосылып отыр.