Ұлытау облысы Жаңаарқа кентінде Ералиев көшесінде үш қабатты көппәтерлі тұрғын үйдің үшінші қабатындағы пәтерде өрт шықты.
Өрт аумағы 20 шаршы метрді құрады. ТЖД қызметкерлері ғимараттан үш адамды эвакуациялап, сондай-ақ өрт болған жерден газ баллонын алып шықты.
Өрт жедел түрде оқшауланып, толықтай сөндірілді. Зардап шеккендер жоқ.
ТЖМ тұрғындарға тұрмыста өрт қауіпсіздігі талаптарын сақтауды және төтенше жағдайлар туындаған кезде дер кезінде көмекке жүгінуді ескертеді.