Қор қаржылық бақылаудың жаңа моделіне көшеді. Жаңа жүйе медициналық ұйымдарға төлем жасалғаннан кейін емес, оған дейін негізсіз төлемдердің алдын алуға бағытталған.
Бұл үшін Qalqan IT-платформасы, автоматтандырылған антифрод жүйесі және тәуекелдерді талдайтын цифрлық құралдар енгізіледі. Олар жалған медициналық қызметтерді, қызмет көлемін қолдан ұлғайтуды және басқа да заң бұзушылықтарды нақты уақыт режимінде анықтауға мүмкіндік береді.
Сондай-ақ азаматтар өз атына рәсімделген медициналық қызметтерді тексеріп, көрсетілмеген қызметтер туралы хабарлай алады.