«Жарқын болашақ» бағдарламасы аясында Маңғыстау облысының 241 талапкері білім грантына ие болды. Қазмұнайгаз грантын иеленген Студенттердің басым бөлігі Алматы мен Астана қалаларын таңдаған. Сондай-ақ Көкшетау, Қостанай, Қарағанды және басқа да өңірлердегі оқу орындарына жолдама алды. Жалпы «ҚазМұнайГаз» бен «Самұрық-Қазына» қорының қолдауымен былтырдан бері жүзеге асып келе жатқан жоба игілігін осы күнге дейін 1 100 бала көрді. Ал биыл 333 қатысушы колледжді сәтті аяқтап, диплом алды. Қазіргі таңда бағдарлама шеңберінде мыңнан астам жас тегін білім алып жатыр.
НАЗЕРКЕ ДАБЫЛ, «ЖАРҚЫН БОЛАШАҚ» БАҒДАРЛАМАСЫНЫҢ ӨКІЛІ:
Балалардың 50 пайызынан көбі техникалық бағытты таңдады. 20 пайызынан жоғарғысы медициналық бағыттарды, келесі сұранысқа ие бағыт педагогика бағыттары мен өндірістік бағыт бойынша білім алатын болады.