Көлігіңіз жолда бұзылды ма немесе дөңгелегіңіз жарылды ма? Енді республикалық трассаларда жүргізушілерге «ҚазАвтоЖолдың» арнайы техникалық көмек пикаптары тегін қызмет көрсетеді.
Пилоттық жоба әзірге Астана – Аршалы және Астана – Теміртау бағыттарында іске қосылды.
Көмек шақыру үшін 1403 байланыс орталығына хабарласу жеткілікті.
Мамандар: дөңгелек ауыстыруға; техникалық ақау кезінде алғашқы көмек көрсетуге; қажет болса көлікті сүйреп шығаруға көмектеседі.
Жаңа сервис жүргізушілерге жедел көмек көрсетіп, жолдағы қауіпсіздікті арттыруға бағытталған.