Әнші Димаш Құдайберген әлемдік DIMENSIONS турының трейлерін әлеуметтік желідегі парақшасында жариялады, деп хабарлайды AstanaTV.
Әлемге әйгілі қазақстандық орындаушы Димаш Құдайберген өзінің шығармашылық жолындағы жаңа ауқымды кезеңді - «DiMENSIONS» деп аталатын әлемдік турнесін ресми түрде жариялады. Жаңа концерттік бағдарламаның негізгі концепциясы уақыт пен кеңістік арасындағы саяхатқа негізделген. Ол әртістің сан қырлы дарынын, музыкалық жан-жақтылығын және көрерменге ұсынар жаңа амплуасын паш етуді көздейді.
Ауқымды гастрольдік сапар 2026 жылдың күз айларында Еуропа төрінен бастау алады. Алғашқы концерт 18 қазанда Польшаның Краков қаласындағы әйгілі «Tauron Arena» сахнасында өтеді. Бұл шоу Димаштың жаңа бейнесі мен тың туындыларын әлемдік деңгейде таныстырудың алғашқы қадамы болмақ.
Турне кестесінің алғашқы бөліміне келесі қалалар енді:
-
18 қазан 2026 жыл — Краков, Польша («Tauron Arena»)
-
24 қазан 2026 жыл — Дюссельдорф, Германия («PSD BANK DOME»)
-
30 қазан 2026 жыл — Мадрид, Испания
-
11 қараша 2026 жыл — Мерида (сонымен қатар тур Перу сияқты Оңтүстік Америка елдерінде жалғасады).
«DiMENSIONS» шоуы Димаш Құдайбергеннің вокалдық мүмкіндіктері мен заманауи сценографияның үйлесімінен тұратын бірегей жоба болмақ. Қазіргі уақытта әлемнің түкпір-түкпіріндегі жанкүйерлер турдың келесі кезеңінде жарияланатын қалалар тізімін асыға күтуде.