Түркістан облысы Келес ауданы Абай ауылында мейрамханалардың біріне жапсарлас орналасқан асүй бөлмесінің шатыры өртенді
Алғашқы өрт сөндіру бөлімшелері оқиға орнына жеткен кезде шатырдың ашық жалынмен жанып жатқаны байқалды. Өртті жедел сөндіру үшін дереу өрт оқпандары беріліп, өртті сөндіру жұмыстары ұйымдастырылды, деп хабарлайды Astana TV.
Өрт сөндірушілердің кәсіби шеберлігі мен жедел әрекетінің арқасында оттың одан әрі таралуына жол берілмей, өрт қысқа уақыт ішінде толық сөндірілді.
Зардап шеккендер жоқ.