Өскемен қаласындағы Гоголь көшесінде орналасқан үш қабатты тұрғын үйдің шатыры өртенді, деп хабарлайды Astana TV.
Оқиға орнына жеткен өрт сөндіру бөлімшелері түтінге толған ғимараттан 8 адамды эвакуациялады.
Құтқарушылардың жедел әрекетінің арқасында оттың одан әрі таралуына жол берілмеді. Өрт 100 шаршы метр аумақта толық сөндірілді.
Өрттің шығу себебі анықталып жатыр. Зардап шеккендер жоқ.
ТЖМ ескертеді: өрт қауіпсіздігі қағидаларын сақтау адамдардың өмірі мен денсаулығын қорғауға көмектеседі!