Атыраулық студенттерге қоғамда жасампаздық мәдениетін қалыптастырып, адал еңбекті құрметтеу тақырыбы түсіндірілді. Ғабдол Сланов атындағы облыстық ғылыми әмбебап кітапханасында өткен жиында қоғамның дамуы тікелей рухани құндылық негіздеріне байланысты екені айтылды. {КСМ} Адал қоғам құру үшін ерте жастан адал азамат тәрбиелеу керек. Кездесуге келген жазушы, «Алаш» сыйлығының иегері Жалғасқали Дүтмағамбетовтің еңбекқорлық пен жауапкершілік бойына сіңген білімді азамат жеңіл жол мен қулық-сұмдықтан ада болатынын ұғындырды. Бұл орайда мемлекет басшысының идеологиялық дамытуды мақсат еткен 5 жылға арналған тұжырымдаманың маңызы зор,- деді.
ЖАЛҒАСҚАЛИ ДҮТМАҒАМБЕТОВ, ЖАЗУШЫ:
Біздің болашақ жастардікі. Негізгі мақсаты, мұраты әрбір азаматтың – түбінде жоғары парасатты адам болу. Ал мемлекет жақсы болу үшін бірінші мемлекетті халқына деген құрмет болу керек. Оның ішінде сонда тұратын халықтың мәдениеті, әдет-ғұрпы, салт-санасына құрмет болу керек. Ең маңызды – жеке адамның ар-ожданына құрмет болу керек. Ал оны жасайтын жастар.