Қалада көлік қозғалысына шектеу енгізіледі, деп хабарлайды Astana TV.
Астана тұрғындары мен қала қонақтарына көлік қозғалысына уақытша шектеулер енгізілетіні, сондай-ақ әскери авиацияның жаттығу ұшулары болатыны ескертілді.
Бұл туралы ҚР Мемлекеттік күзет қызметі мәлімдеді.
2026 жылғы 5–7 қарашада Астана қаласында бірқатар халықаралық саяси іс-шараны дайындау және өткізу жұмыстарына байланысты елорданың жекелеген көшелерінде көлік құралдарының қозғалысына уақытша шектеулер енгізіледі. Іс-шараларды өткізу барысында арнайы мемлекеттік органдардың, құқық қорғау органдарының және ҚР Қарулы күштерінің ресурстары пайдаланылады, – деп хабарлады ҚР Мемлекеттік күзет қызметі.
Сонымен қатар 1 қарашадан бастап елорданың әуе кеңістігінде әскери авиацияның жаттығу ұшулары жүргізіледі.
Елордалықтар мен қала қонақтарынан халықаралық деңгейдегі маңызды оқиға кезінде қауіпсіздікті қамтамасыз ету мақсатында жүргізілетін шараларға түсіністікпен қарауды сұраймыз, – деп жазылған ведомство хабарламасында.